HerbaZ

انا من طبعي اني اشوف اخر الزيارات اللي جت موقعي من وين وكيف عرفوا الناس موقعي
صراحة تتفاجأ لما تلقى ناس ماتعرفهم او مواقع ماعمرك ذكرت موقعك فيها ويجونك منها
اكثر اللي يزورون موقعي يجونه بعد موضوع كتبته في منتدى امريكي عن الـXDAII (او مايسمى بالـi-mate )
وهي مجموعة صور ومقارنه لاي ميت والـQtek1010 القديم وهذا لنك الصور حقته
طبعاً من احب الحركات عندي اني اشوف وش قالوا الناس عن موقعي او اذا كان احد سارق مني مقاله او شي <- من زينك !!
المهم اني اجد في المنتديات الاجنبيه لما ياخذ موضوع او معلومه يشكر صاحب الموقع اللي استفاد منها حتى لو كان صاحب الموقع مايكتب في هذا الموقع ..
اكثر من موقع كتبوا شكر لي وانا ما ادخل عندهم لكن اللي لفت انتباهي هو موقع فيتنامي عن الاجهزة الكفيه اسمه Pocket PC - Vietnam
الموقع هذا فيه منتدى تكلم عن الاجهزه الكفيه وذكر المقارنه حقتي وحط الصور اللي صورت بها .. وكتب thanks HerbaZ
هذا رد العضو Vodanh
عاد انا رديت عليهم وشكرتهم على ذكرهم اسمي ..
لكن المشكله ان العضوVodanh رد عليّ بكلام مافهمته باللغه الفيتناميه اضاهر مفاده اني دخلت على موقعك ولا لقيت شي يوسع الصدر .. وحط صورة لي في منتداهم وشكلهم بدوا يذبون علي
شكلهم غايرين ورى عيوني مدورات مهيب مغفصه مثل عيونهم < ماشاء الله تبارك الله عليّ لحد ينضلني بعد
thanks Vodanh and all pocket pc -vietnam’s team
عاد في اخر رد شكلهم سفلوا بي مدري عنهم
- ايه نسيت اقول لكم الشاهد من ذلك انه هذولي الاجانب وشوفوا وش سووا المفروض حنا يالعرب نسوي احسن منهم
ومتى تزول ظاهرة السرقه والاكتفاء بقول ( منقووووول) وافضلهم من اطال في حرف الواووووو

هذا الموضوع كتب في 1/1/2004 في الساعة 6:45 am ومصنف بهذه التصنيفات: من هنا وهناك. يمكنك متابعة التعليقات على هذا الموضوع عن طريق ملف الخلاصات RSS 2.0. لا يمكن التعليق على الموضوع أو كتابة تعقيبات عليه في المواقع الأخرى.