HerbaZ

هذه الحروف كنت مخطط اني اكتبها من اكثر من شهرين في الاقلاع ولكن شاء الله ان ترى النور هنا .. تلاحظون ان اغلب المطاعم سواءً في شقراء او في الرياض لما يطلب الزبون الوجبه يسأله العامل بارد ؟؟ بيبسي !! . انا طبعاً من المعارضين للمشروبات الغازيه بعمومها ماعدى البيره اما غيرها سواءً كوكاكولا او بيبسي او حتى منتجات محلية للأسف ما اشرب .. ماهو مقاطعه او لأن هذا يدعم اسرائيل وذاك لايدعم .. ولكن ماشفت فيه شي غريب لما اكل وجبتي واشرب مويه او عصير !!
ملاحظة من جد استغربت منها اني كنت في مطعم اسمه / طريب وهذا المطعم معروف انه يقدم اكل شعبي ( رز - قرصان .. الخ ) طبعاً المطعم حلو ولا فيه اي عيوب ماشاء الله سوى ان عماله هنود لابسين شمغ وثياب لكن مهوب هذا مربط الفرس .. القضية ان وجبة رسميه زي الكبسة على سبيل المثال .. اغلب الناس تشرب معاها لبن !! موووويه اذا غلبت الروم .. يعني ممكن بعضنا يشرب بيبسي معاها .. ( طبعاً انا ماني اعبر عن وجهة نظر كل الناس … لكن اللي اعرفه انا ويعرفه اكثرنا هو هالشيء ) .. المشكلة انه ثلاث مرات او اربع مرات كنت اروح لهذا المطعم مع شباب الجامعه وعلى رأس المجموعة السيد ،، احمد ولاحظت في هذا المطعم انهم مايقدمون لك الا بيبسي او سيفن اب !! طيب نبي لبن يالشيخ يقول ماعندنا ههههههههههههه هذي صراحة نكتة .. كم مره يقولون لي الشباب يارجال خذ لك بيبسي .. اقول له لا جيب لي مويه واشوا بعد اخاف ما القى عندكم .
على النقيض تماماً .. مطاعم ماما نوره اللي جنب هذا المطعم بمسافة بسيطة .. مايقدم في وجباته الا العصير .. مايبيعون البيبسي نهائياً .. اذا بغيت بيبسي لازم تروح للمحل اللي جنبه .. بينقز لي واحد هالحين ويقول لي هذولي همهم تجاري اقول لك طيب خل هذاك بعد همه تجاري بدال ماندفع على البيبسي ريال واحد راح يجيه 3 ريال او 2 على اللبن على الاقل ماطلبنا عصير اشكر صراحة مطعم ماما نوره والمطاعم اللي تسلك هذا النهج . اولاً لصحتنا وهم الله يرزقهم ان شاء الله مدامه حلال ماقلنا شي .

بعض الاحيان تتصفح مواقع صغيره او مواقع اجنبيه سواءً مواقع Blog او مواقع مبرمجين .. تجد رابط اسمه Donate me غالباً يكون هذا الاسم بمعنى تبرع لي او للموقع . وفي نظري اسميها شحاذه الكترونيه بطريقة لبقه جداً جداً . لكن الشحاذه الحلوه اللي اعجبتني اللي تجدها الان في بعض المواقع وهي الـwish list خدمة مجانيه يقدمها موقع Amazon وتعتمد على انك تختار المادة التي تريد شرائها ثم وضعها في قائمة الامنيات .. واذا جا احد من موقعك يتبرع لك بالقيمة اللي يريدها ليشتري لك هذه المادة المعينة .
من وجهة نظري لو اجد موقع عربي حاط هالنك سواءً donate او wish list ان شاء الله باتبرع له بمبلغ 1 دولار .

الف الف الف مبروووووووووك استاذي /Audio MAster افتتاح الموقع .. مايحتاج اعرفكم اوديو ماستر احد اعمدة مشرفين الاقلاع وهو مشرف منتدى الفن في ساحة الاقلاع واعظم مشرف مر على تاريخ المنتدى وتاريخ الاقلاع ككل ربي يحفظه ويزيده علم . طايح من سنه تقريباً في التصاميم وماشاء الله تبارك الله كل تصميم احلى من التصميم عقبال يارب ماينسانا من تصاميمه ويزبط لنا هيك تصميم للموقع احسن من حق code_G خخخخخخ <- مامدحه عبث اجل

الفضاوة وماتسوي ؟؟

مراهق عمره 17 سنه اسمه ” مايك ” واسم ابوه ” رو ” قرر انه يضيف كلمه ” سوفت ” لاخر اسمه ويحط له موقع اسمه ” مايك رو سوفت ”

وبعد فتره من تواجد الموقع تفاجأ هالمراهق برساله من شركه مايكروسوفت يقولون له غير موقعك لانك تنتهك حقوق الحفظ عندنا ويوم بدا الولد يعابط معهم قالوله اسكت ولا ترا نبي نقول لك غير اسمك كله بعد

وفي النهايه الولد الين الحين وهو يلعب باعصاب مايكروسوفت ويقول مهوب من حقهم يقولون لي غير اسمك بعد 17 سنه !!!

تخمني بعض
الايام واجمع كم لنك وكم موقع غريب واتصفحهن اليوم شفت لكم
المازدا الرهيبه ( سيارتي المستقبيلية )

دعاية الهوندا
الصخانه العجيبه !!!
تقدر تاخذها معك وين ماتروح وتتشروش على كيف كيفك !! الوجه اللي في المريخ !! ( اعتقاد ان هناك فضائيين ان صح التعبير )
تأكد من صحة الكتابة اذا كان عندك كلمه وشاك في كتابتها الصحيحه انا عن نفسي استخدم قووقل لتصحييح الكتابة او باستخدام احد برامج الـOffice 2003 من مايكروسوف ت بس هذا الموقع تحط فيه الكلمة اللي انت شاك فيها او اذا كانت كلمتين ويعطيك اكثر صوت للكلمة الصحيحه . ( احدى تطبيقات قووقل API مثل موقع Googlism ) .
تاريخ كلمة *F مع احترامي للجميع القراء  شكراً احمد .

برنامج zoonAlarm الآن لليهود . الخبر قديم صح بس للتجديد مع اني ما احب اسميهم اسرائيل من المعروف ان شركة Check
point شركة يهوديه ميه الميه ومقرها اسرائيل هالبرنامج كنت احب استخدمه على اجهزة اخواني وكل واحد انصحه انه يستخدمه الان لاتستخدمه ودور لك فايروول احسن .. جرب الـTinyاو الـnorton internet secureityاو الـKiro وايضاً Consile اضاهر اسمه كذا من زمان عنه :)وفيه Sygateحلو .
يكفي هذا اليوم وان شاء الله المره القادمه راح تكون اكثر توسع <- اصلاً ماكتبت شي عشان تقول يكفي ايه ما قبل لا انسى ترى فيه على اليسار لنكات اكتب فيها تقريباً يومياً اضيف لنك يمكن محد يركز بس انا مخلي ترتيبها الاجدد يكون فوق والاقدم تحت شوفوها على اليسار تحت مقتطفات على السريع

ما ادري وش بلاه code_G جايز له التصميم ذا مع اني اشوف انه مخيس وماصل خخخخخخخخخخ <- بينجلد اليوم .. مع ذلك احس انه غصب عليّ احط هالتصميم لين الله يفرجها واخلص تصميمي الثاني واخلي الزائر حر انه يختار بين التصاميم يمكن يجيني واحد ذوقه بايخ مثل code_G ما استبعد

منذ فترة طويلة كنت اتابع موقع Link United وهو موقع غني بالروابط المفيده واخر اخبار التقنيات والبرامج وكانت له قائمة بريديه يرسل فيها يومياً اخر البرامج والكراكات والالعاب والافلام .. اي انه في الموقع يتحدث بشكل قانوني جداً وفي البريد الالكتروني كنت ارى العجب العجاب وقد توقف منذ اكثر من سنه تقريباً عن التحديث ( للعلم كان يتحدث ولكن بتقطع ) واصبح الكاتب “raye” يكتب في موقع اخر اسمه The Calender وفي هذا الموقع اصبح يحدث يومياً اخر البرامج 0-day وبعض الاحيان بعض الكتب والفلام وللأسف ايضاً توقف .
المهم من هذا كله ليس في توقفه او كتابتة .. طالما اعجبني اسلوبه في الكتابة وايضاً حرصه على رضا زائره فكان لديه قسم صغير فيه يوضع روابط للمشاركة فيها مع الزوار وكان يكتب في الصفحة الرئيسيه من اعطاه هذا الرابط وذاك الرابط . لمشاهدة القسم الجديد طبعاً القسم هذا كان موقع صغير يضعون فيه الزوار الروابط ليتشاركها معهم .. جائتني هذه الفكرة وقلت لماذا لا اقوم بوضع قسم صغير ولنسميه ( روابط او لنكات او سمه مهما شئت ) ونجعله قسم خاص لمشاركة الروابط والمواقع التي اعجبتك واعجبتي . فكرة غريبه قليلا ًولكن الاغرب الفكرة التاليه .
مجلة دوريه افكر في ان اضم قائمة بريديه في موقعي وان ادير مجلة مصغره تحتوي على مقالات ومواضيع تقنية عامه انشرها كل اسبوعين . سوف يكون تصفح هذه المجلة بواسطة الايميل او الموقع ( قسم خاص للمجلة بأعدادها ) لمن اراد الاشتراك او مطالعة المجلة مباشرة . ( شاهد نموذج رسائل Raye القديمة قد تكون المجلة بنفس الشكل )