HerbaZ

مراحب مره ثانيه وثالثة ورابعه ان شاء الله ،
اسف على التأخير لمدة اسبوع كامل لكن للاسف انا في الرياض وماعندي انترنت حالياً بعد النقل للشقة الجديده وتغير الخط ومشاكل النقل انتم عارفين .
عموماً عندي كم خبريه تابعتها طبعاً من اهمها خبرية تسرب السورس كود حق الوندوز2000 والـNT بس على كلام مايكروسوفت ان السورس كود ماتهرب كله مع اني شفت سورس كود حجمه 900 ميقا عند احد الشباب !!! اذا كان هذا جزء من السورس اجل السورس كامل كم حجمه !! يحلفون بيل جيتس عقب السورس بيشحذ عند المساجد .
الـMSN منزلين من فترة الـtoolbar حقهم يقولون النسخه بيتا والبار طبعاً زي مايقولون يقفل عنك الـpopup وفيه روابط مهمه وزر بحث وغيره .
Winbeta.org من المواقع المعروفه بنقلها لاخبار التكنولوجيا من اكثر من مصدر افتتحوا الاسبوع هذا موقعين تابعين لهم الاول ،MobileBeta وهو موقع متخصص باخر اخبار الجوالات والاجهزة الكفيه والمساعدات الرقميه عموماً ، والموقع الثاني nixbeta وهو موقع متخصص بالـ*nix واخر اخباره . موقعين رائعين صراحة وانصحكم بمتابعة اخبارهم .
الوندوز98 نزلت منه نسخة Service Pack 1 v1.1 غير رسميه طبعاً اللي عنده لهالحين النظام ويبغى يركب فيها الترقيات يضغط هنا

هذا الموضوع كتب في 2/18/2004 في الساعة 2:41 am ومصنف بهذه التصنيفات: خبريات. يمكنك متابعة التعليقات على هذا الموضوع عن طريق ملف الخلاصات RSS 2.0. لا يمكن التعليق على الموضوع أو كتابة تعقيبات عليه في المواقع الأخرى.