وش السواة مع ذا الجامعه ؟ :(
اكتب لكم ودمعي حزين 
< نصاب هههههههه
ياجماعة الخير ، قدر الله عليّ ولا اعتراض في ذلك أن اكون أحد طلاب جامعة الإمام محمد بن سعود الإسلامية ، تلك الجامعة التي اذا كنت تريد تعذيب أحد بالقررات او باللوائح او حتى بالمقررات الدراسية ، ولا انسى المدرسين ، فيجب ان لاتنسى ان تدخله الجامعه ( او كما اسميها : اللعنة ) .
اخوتي الكرام ، نحن في هذا الشهر الفضيل نرفع ايادينا لله عز وجل بأن يهدي ادارة جامعة الامام محمد سعود الإسلامية إلى الصواب والى عدم ظلم الطلاب بما يفعلونه بنا في كل بداية عام دراسي ، لي على هذا المنوال اكثر من 5 سنوات ونحن نعيش في نفس الرعب والعذاب المتكرر
هل تصدق بأن الجامعة وضعت قرار بأن على الطلاب الحضور في مقاعد الدراسة منذ اكثر من ثلاث اسابيع ؟ ، وللمعلومية فقط لم تتم طباعة جداولنا إلا قبل اسبوعين ، وحينما رغبنا في تعديلها لم نحصل على جداولنا (لا الاصل ولا المعدل ) فكيف نُجبر بأن نتلزم بالحضور بناءً على جداولنا التي لم نحصل عليها اصلاً ، ثم يأتيك القرار الثاني بعد اسبوع من المفاوضات بأن على الطالب الحضور في القاعات التي قام بتسجيلها بنفسه ، وفي حالة رفض المدرس القيام بتسجيله يقوم بمخاطبة الإدارة حاملاً ورقة فيها اثبات بأن ( يرجى من الدكتور مدرس المادة ادراج اسم الطالب مؤقتاً في هذه المادة ) !!
واليوم يفاجأ بعض الطلاب بأن مهلة تعديل الجداول انتهت !! ونحن لم نحصل على الجداول اساساً ههههههههههههههههههه ، وبعض الطلاب تم تسجيل لهم مواد لم يقوموا بطلبها البته !
رحمااااااك ياربي ياعزيز يارحييييم :(
9/25/2006 في الساعة 4:11 pm
الله يحللها عند جامعة الملك سعود ..
فجامعة الملك سعود (الدكتور) هو الكل في الكل ..
أما في ثانويتكم الموقرة
فأظن الطالب له مساحة من الحرية وإبداء الرأي ..
هذا حسب ما أسمع ..
وإن جيت (للصدز) ما عندنا جامعة زي الناس ..
ودمت بخير ..
9/25/2006 في الساعة 4:51 pm
آمين ,, وانا واحد من الطلاب بقسم العلوم الإدارية .. أو كلية العلوم الإدارية معليش
انا حاولت أعدل بالجدول من يوم الإثنين الأول في الدراسة مانزل الجدول إلا يوم الإربعاء الإسبوع الثاني,, وزي ماقلت بعض الطلاب ماحصلوا جداولهم بسبب الفوضى اللي مسوينها الموظفين!!
تخيل يجيب الجداول ويحطها بوحدة من القاعات ويروح كذا ,, وإذا ضاع جدولك ذنبك على جنبك!!
طالب بالمستوى السابع يقلب جدوله ما يدري وشلون يضيف مواد ولا وش السواة لأنه متعود انه ينجح شايل مادة مادتين ويختبرهم ويعدي موب ملزوم يدرس المادة!!
واذا تبي تعدل الكلية يقول رح للعمادة والعمادة يقولون الكلية!! صرنا كورة موب طلاب!!
المهزلة الأكبر تصير بجامعتنا فقط !! ينجح الطالب من المستوى الثاني وينجح بالصيفي ويروح لمستوى اول!!!!! ماصارت ,, انواع التحطيم بالنظام الجديد ,, ولا فيه اي ميزة!!
معليش حرباز بس بصراحة ما اشوف اللي كتبته يوفي عن المعانة اللي نعيشها
و اذا تبي فضايح في جامعتكم فهي بالهبل !!
اخوي نظم عن الغلط
9/25/2006 في الساعة 6:42 pm
الله يصبركم على جامعتكم أو ثانويتكم بالأصح ، لأني أشوف طلاب جامعة الإمام في الحسا وأشوف ان نظامهـا نظام ثانوية مو جامعة ، عموما كل جامعة في السعودية تقول الزود عندي ، وعندنا وعندكم خير
الله يصبرنا جميعاً
يقولون يوم وطني كان قبل أمس
9/25/2006 في الساعة 9:45 pm
ههههههههههههههههههههههههههههههههههههههههه
مهزله
الله يطلعك منها ب A+ >>>ايه هين
الله يعيناك
ويصبراك
9/26/2006 في الساعة 12:55 am
جيت عالجرح
لا تعليق بجد ! انا مستوى سابع الان , يعني المفروض هذي السنه اعيش فرحة سنة التخرج ( في الاحلام ).. واحس ان باقي قدامي سنوات ومعارك علشان اطلع من الجامعه ..
بالنسبه للجداول الاسبوع الأول استحاله يكون في تنظيم علشان كذا البنات ماكلفوا نفسهم الا الاسبوع الثاني , طبعا اللخبطه اللي صايره بسبب الخطه الجديده والقديمه هذي حكايه لحالها , واروح لفلانه تقولي انتي عالخطه الجديده واروح للرئيسة القسم تقول روحي للمشرفة حقتك , وهكذاااااااااا , لما كلموا الرجال وجابوا الخبر اليقين , طيب من الأول يامحترمين ..
وبعدين نظام جديد وخطه جديده , مفروض ماتمشي عالناس اللي مسجله على نظام زمان , يعني كأني مثلا ( على سبيل المثال ) اروح للتوجيهي ثالث واقولهم الان خلاص بيتطبق عليكم المعدل التراكمي , وانا مااعطيتهم فرصه من الاساس يرفعوا معدلاتهم ويتهيأون ..
مسخره اللي جالس يصير ,, وقرارات تصدر كل ساعه والثانيه .. والله يصبرنا
بصراحه كل شيء في الجامعة يشكتي , ماادري ايش الحل .. والقهر الدوام في رمضان .. استاذه تحضر وعشره يغيبوا , هذا غير القاعات اللي لسه ماحددوها ,, من جد لمتى هالفوضى .. حرام والله .. واشمعنى نشوف جامعات ثانيه مرتبه , لايقولون لي كل الجامعات كذا ,, لأ مافي غير جامعتنا ..
البنات اقترحوا يسوون بيوت فوق الشجره , اعشاش يعني ,, كناية عن التعشيش في هالجامعه ..
الله يعتقنا منهم ..
9/26/2006 في الساعة 1:35 am
soso هذا وانتي تقولين لو شغلنا عند الرجال كان أصرف ..!
واللهي هالجامعه مهزله .. خسارة فيها كلمة جامعه و هي ماتحمل منها الا إسمها .. !
معاملة ولااا أزفت .. مايهنالهم الا اذا شحططوا الطالب ومرمطوا فيه عشان يعرف قيمة العلوم الجميله اللي يدرسونا اياها .. : /
تتخيل يا أخ حرباز إنهم حاطين إعلان ان الدوام الرسمي يبدا يوم الإثنين تمام ؟ جايه اختكم الكريمه يوم الأحد على أساس أصلح جدولي و اطلع بدري .. قالت لي مشرفة الخروج خذتي جدولك ؟
قلت ايه .. قالت وريني .. ممممممم عندك محاظره الحين .. قلت اصلا مابعد بدت الدراسه ولافيه محاظرات ابي اطلع .. قالت هذا النظام ! انتي عندك محاظره ومااقدر أطلعك !
يابنت النااااس كيف عندي محاظره والدوام أصلا مابعد بدا !
9/26/2006 في الساعة 1:36 am
9/26/2006 في الساعة 1:37 am
soso هذا وانتي تقولين لو شغلنا عند الرجال كان أصرف ..!
واللهي هالجامعه مهزله .. خسارة فيها كلمة جامعه و هي ماتحمل منها الا إسمها .. !
معاملة ولااا أزفت .. مايهنالهم الا اذا شحططوا الطالب ومرمطوا فيه عشان يعرف قيمة العلوم الجميله اللي يدرسونا اياها .. : /
تتخيل يا أخ حرباز إنهم حاطين إعلان ان الدوام الرسمي يبدا يوم الإثنين تمام ؟ جايه اختكم الكريمه يوم الأحد على أساس أصلح جدولي و اطلع بدري .. قالت لي مشرفة الخروج خذتي جدولك ؟
قلت ايه .. قالت وريني .. ممممممم عندك محاظره الحين .. قلت اصلا مابعد بدت الدراسه ولافيه محاظرات ابي اطلع .. قالت هذا النظام ! انتي عندك محاظره ومااقدر أطلعك !
يابنت النااااس كيف عندي محاظره والدوام أصلا مابعد بدا !
9/26/2006 في الساعة 3:33 am
جامعة الامام أحسن جامعة وجدولي مستلمة أول يوم ..حتى انه متصل علي السالم مدير الجامعه بنفسه ويتعذر يقول ترى مخلصين منه مبطي بس خلص حبر الطابعة وخلصت ميزانية السنة! شدعوه يا ابو سالم محنا بأول السنة
مع تحيات حامل إشارة الكبتنية في جامعة الإمام” حسب الأقدمية”
9/26/2006 في الساعة 1:02 pm
إليك هذه الخطوات الذكية للتعايش مع جامعاتنا :
1- لا تدقق.
2- لا تدقق.
3- مشي حالك.
4- حاول تتخرج بأقرب فرصة، وبأقل الخسائر الممكنة.
5- لو حصل لك بعثة، فاذهب و اضرب بالنقاط 1 و 2 و3 و4 عرض الحائط.
رمضان مبارك عليك وعلى الجميع.
9/26/2006 في الساعة 9:25 pm
مرحبا حرباز
الله يعينكم … على مهازل جامعتنا الموقرة (الجامعة العربية المفتوحة) الا انها تهون عند مهازل جامعتكم … جامعة الخمام على قولة واحد يدرس فيها
اؤيد نقاط سعودي قيك خصوصا النقطة الخامسة ….والا سير على جامعتنا ترانا جيرانكم قبال البوابة رقم اثنين
… بس لويعطونا شوبيمن مبانيكم …تنحل المشكلة الاكبر من مشاكلنا
تحياتي
9/26/2006 في الساعة 10:15 pm
لا تشكيلي ابكيلك
9/27/2006 في الساعة 4:37 am
وش اللي خلاك تدخل جامعة الإمام أصلا !!
:\
9/27/2006 في الساعة 9:03 am
السلام عليكم
و الله صدق القول اللي يقول, من شاف مشكلة غيره هانت عليه مشكلته
يا اخوان نحن بجامعة الملك عبد العزيز اتغيرت الخطة عندنا و ما واجهتنا الا مشاكل بسيطة في عملية الحذف و الاضافة, حتى انهم في كل ترم و في الاسبوع الاول من الدراسة يكون لك الحق في الحذف و الاضافة و بعدها يغلق النظام, لكن هالسنة مددودها اسبوعين بسبب المشاكل اللي واجهت بعض الطلاب بسبب موضوع الخطة الجديدة, هذا غير معادلة المواد القديمة بالجديدة و استحداث مواد جديدة.
كنت اظن جامعتي سيئة و لكن مقارنة بحال جامعتكم و جامعة ام القرى, احمد ربي صراحة
9/27/2006 في الساعة 9:04 am
نسيت اقول, الله يكون في عونكم ان شاء الله.
9/27/2006 في الساعة 4:48 pm
خخخخخخخخخخخخ جاك الكلام خخخخخ
والله يا جامعتنا مهزله في مهزله ,, واقترح من هالمنبر انهم يعدلون إسمها من جامعه الامام إلى وزارة الخمام => على اعتبار ان دوامنا من الساعه 8 إلى 3!!
وبالتالي اللغه الانجليزيه تصير كليه اللغات والترجمه للطب والصيدله !!
لان هالممارسات البذيئه اللي تصيرلنا بصراحه مهيب طبيعيه !!
حرباز وانا اختك .. اصبر لا وصلت مستوى ثامن واقفن على عتبة التخرج تلوك مع علباك وقالوا لك .. تعال مابعد اكملت النصاب !! وش نصابوه اعنبوا داركم ندرس فوق الميتين وخمسين ساعه !!
ثمن يجرجرونك تحضر مع المبزره اللي مالحقت عليهم ولا يوم انك بسادس عشان ( مطلب جامعي)==> والله حنا اللي نطلبكم الحل ! نموت اريح
اسكت بس لي كم يوم أقول ياربي ليه ماخلقتني صحابيه وميته بغزوة بدر !! يالله من فضلك
9/28/2006 في الساعة 6:29 pm
[...] HerbaZ حرباز مدونة تهتم بالتقنية ! « وش السواة مع ذا الجامعه ؟
[...]
10/1/2006 في الساعة 2:03 am
هذي جامعة اللئام..
حتى و حنا طلبة ماجستير…تعامل الثانوي أحسن
10/10/2006 في الساعة 9:07 am
احمد ربي مليون مره اني تخرجت
بس بعد مانشفوا دمي وطلعوا عيوني
بعدين انت للحين ماتخرجت !!!
10/13/2006 في الساعة 7:10 pm
السلام عليكم ورحمة الله وبركاته ..
الله يصبرك يا أخي حرباز .. بس زي ما يقول المثل ” من شاف مصايب الناس تهون عليه مصيبته ” ..
أنا أحد المتخرجين من الثانوية العامه للسنه هذي .. ورحت اسجل في الجامعة ” الإمام ” وكنت ابي لغة انجليزية .. قالوا لازم امتحان .. ” وأنا ما شاء الله تبارك الله اللغة الإنجلزية عندي تمام والحمد لله ” واختبرنا وكان عدد إلي اختبروا تقريبا” 500 طالب .. وقالوا بعد يومين تطلع النتائج .. وادور في هالجرايد .. ويم طلعت النتائج .. عدد المقبولين 38 طالب .. والبقيه باي باي ..
بس ما اقول الا الحمد لله اني ما دخلت الجامعه .. قبلت في الكليه التقنية .. واحس براحه والحمد لله ..
وآسف على الإطاله .. ” أحس اني دخلت غلط في الموضوع ” .. ههههههه
10/14/2006 في الساعة 6:00 pm
السلام عليكم ورحمة الله وبركاته
الله يعين كل من يدرس بجامعة الاما الحين حنا يالطالبات درسنا الاسبوع الثاني بعدين يقولون لا لازم نرجع نغير الجداول لكل الطالبات يعني بعد ما ضبطنا امورنا على الجداول الاولى يغيرونها
المهم قلنا ياللا نمشيها ويجون بعدين اسبوع كامل لا دراسه ولا شيء وبعدين يوم رجعنا ندرس بعد اسبوع نقول لهم ارجعوا اشرحوا لنا المحاضرات اللي فاتتنا يوم كنا بالشعب الثانيه يقولون لا وفوق هذا حاسبين لنا غياب والله شيء يقهر ما اقول الا الله يعين على دراسه السعوديه
10/22/2006 في الساعة 11:17 pm
حرباز ! ليه ماعلمتني عن هالموضوع الجميل ؟
اجي اكب عفشي واصيح معكم هنا خخخخخخخخخ
خسارة صراحة ماشفت هالموضوع بوقته ، و لا كان كتبت اطول منه خخخ
ع العموم وانا اختك الحال من بعضوووو .. وانتم على الاقل احسن مننا
احمد ربك .. لو انك عندنا كان شقيت هدومك من القهر والجنون الي بيطلع في راسك !!!
لاننا وبكل فخر ، الادارة الحريمية عندنا مابيدها شي .. دبش بالعربي وبالعربي بعد مساكين
كل شي بيد الرجال !!!! قال وين اذنك ياجحا قال هذيييييييييييييييك !!
تشاو ياقميل (وردة )
1/3/2007 في الساعة 1:05 am
أكاد أحلف إن كل الأقسام في الجامعات اهون من قسم سجن أبو غريب قسم الأنظمة في جامعة الملك سعود فالدكتاتور يناطح الدكتاتور في هذا القسم على ترسيب اكبر عدد من الطلاب دون رحمة والتقادير للمتخرجين اعلاه مقبول
1/3/2007 في الساعة 8:23 pm
اتفق ويا الاخ مستجن بعد ماكان مستجد في ماقاله لأني فعلا عانيت من ها القسم معأناة شديدة مع اني من المتفوقين في الثانوية العامة لا واللي يبط الكبد ويرفع الضغظ ان دكاترة القسم حاطنيهم في حقوق الانسان اللي حقوق الطلبة اللي عندهم ما انصفوها ونجي ننصبهم اعضاء في حقوق الانسان ما أدري ابيكم توضحون لنا وبس
2/22/2007 في الساعة 12:09 am
كل الاقسام تهون عند قسم القانون ها القسم الا ما يحمل من النظام الا اسمة دكاترة سيئين وعلى راسهم الدكتور المتكبر رئيس القسم رزق المقبول اللي معينة في حقوق الانسان وهو اسوا الناس اخلاق والثاني اسامة عجب وكلهم صراحة جزارين وافضل التقديرات عندهم مقبول وقلة قليلة اللي تأخذ جيد صراحة قسم تعبان وبس هذا اللي نقوله