حينما تكون نساياً لدرجة كبيرة !! مالحل ؟
ياجماعة الخير اعاني من مشكلة حقيقة !! انا كثير النسيان بالرغم من اني ادون كل ما اريد عمله على قائمة To-do واضعها في جوالي ، وبالرغم من اني كل يوم قبل لا انام احاول ارتب جدولي لليوم القادم ، لكن اول ما يتصل زميلي او اكون متعيجز اسوي شغله اخرب ابو المواعيد والجداول والقوائم الي سويتها كلها !
مليار الف وست مائة تدوينة المفروض اكتبها ( لاني كل مايجي في بالي موضوع مهم ابغى اكتبه ) لكن لما اجي البيت انسى ! او اقول بكرا بسويه ، وشو تاخر بكرا 
اولك مش جاي حبيبي ؟ 
حاولت اعاقب نفسي اذا ماسويت اشياء معينة في الاسبوع اني ما اطلع ولا اهيص مع الشباب في الويك اند او اني ما ادخل انترنت ،، لكن قدرت اتحايل على العقاب == !! وش يبي ذا ؟
اعتبروا الموضوع فضفضة داخلية ، الي عنده لي حل تكفوون ساعدوني وشكراً ، بالمناسبة لحد يزرا عليّ على الصور الي احطها في المدونة بين الحين والآخر ،، بس توني بازن بكاميرتي الجديدة .
كلمات جديدة : يزرا = ينقد او ينتقدني ، بازن = طفرن = اممم ماتنشرح يعني مبسوط بالكاميرا الجديدة وجالس اصور كثير:D : وفي رواية الدكتورة : يتباهى
11/17/2006 في الساعة 10:41 pm
آآآه يالقهر كتبت موضوع طويل ويقول لي ان الرقم حق الصورة اللي دخلته غلط
مانيب اعيد اللي قلته عناد خخخخخخخ
11/17/2006 في الساعة 11:07 pm
8
8
8
يالشين اشوا انه انمسح انا حاط الصندوق هذا عشان الناس الي مثلك مايردون
واااحشننني ياشييين
11/17/2006 في الساعة 11:47 pm
الحال من بعضه!
الجواب: مافيه حل
11/17/2006 في الساعة 11:49 pm
لحول ياذا الأسهم!
التعليق من ثاني
——-
الحال من بعضه!
- ليتك ساكتة بس! -
الجواب: مافيه حل
تعرف التيبت؟ عندهم طرق في تصفية الذهن، رح لهم وجرب :/
بس عندي وصف أفضل لـ “بازّن” .. يبزّ = يتباهى ..
أقول، ياشين الإمتحانات بس :S !
تصبحون على خير
11/18/2006 في الساعة 12:09 am
هههههههههههههههههههههههههههههههههههههه
اول شي قريتها اذا كنت نسائيا >>>تقرا على كيفها من جد
قلت في نفسي هااااااااو حرباز من متى هو شاكن في عمره >>>ومسكت خط لين قريتها من جديد
ثاني شي الدكشنري الشقراوي يااااااااملحه
ليتك ما حطيته لين فحطوا اللي مايعرفون له
ثالث شي وهو الأهم
لا لقيت حل لمشكلتك
ارسلها تكفى لإيميلي
“لاتشكي لي ابكي لك”
حاولت وحاولت
منعت نفسي من الماسن اول شي ثمن النت
ماقدرت اسوي ولا شي من اللي اخطط له
هالاسبوع بس كنت مقرره اسوي في اليوم 3 اعمال
ابشرك سويت كل يوم عمل
11/18/2006 في الساعة 1:48 am
اهلن
ياخي نفس الشي !!
مشكله مششكله !!
صاحبي تزوج من أسبوعين وهديته للحين ما عطيته اياها بالسياره
مااش الذاكره الله بالخيير
انا دايم أحط ألارم بالكالندر حق الجوال عشان اتذكر .. بس ما عاد تنفع
جرّب اكتب على يدك
لول
ولا أربط خيط بإصبعك
^
^
المشكله اذا شفت الخيط وما تذكرت حق وشو هههههههههههههههه
بس صدق أيام المدرسه كنت أكتب الواجبات على يدي
11/18/2006 في الساعة 10:47 pm
السلام عليكم
أخي أعتقد أنك لا تنجز الأعمال أم بسبب أنها غير هامة تحاول إيهام نفسك بأهميتها أو أنها هامة فعلاً لكنك غير جاد في إنجازها.
في حالة أنها غير هامة حاول أن تعيد النظر فالوضع الحالي هو نتاج تخطيط سيء بُني على أهداف هشة أما في حالة كونها هامة فعليك أن تكون جاد في انجازها ,أخي تذكر أن النسيان له حدة معين أي أنه يمكن السيطرة عليه متى ما كان لشخص رغبة في ذلك , فمثلاً كن واضح مع نفسك ومع الآخرين ,أخبر أسرتك و أصدقائك بأوقات فراغك و الأوقات التي تكون فيها مشغول ولا ترغب فيها أن تقابل أي شخص , تخلص من الأشياء التي تشتت انتباهك كالهاتف والتلفاز والمسجلات وغيرها الكثير.
تحياتي
11/19/2006 في الساعة 1:30 am
شعور متبادل
احلااااااا حرباز شاري كاميرا يالهيس ورني ورني وش نوعها ترى لي خبره بالكاميرات
بس ماودي احلف انها ماتكمل اسبوعين الا وانت راميها خخخخخخخ كل العالم كذا
دمت صديقي الصدوق
11/19/2006 في الساعة 2:14 pm
نفس الحالة
من جد أزمة !!
واحيانا متعيجز موب ناسي !
فيه موضوع قاعد أرتب له من يوم كنت في المدونة المجانية يعني تقريباً أكثر من شهر !! للحين ماحطيته مع اني مخلصه!!
والمشكلة فيه موضوع ثاني من اسبوع وليومك ماحطيته
المهم بالنسبة للكميرا انتبه لا يصيدونك شرطة ولا سكيورتية ثم يدبلون تسبدك ,, أقل شي يجيك منهم انك تتحسف على تطليعة الكميرا ,, مثل ما صار لي
No valid entry. Please try again:
ياليل السرا ,, اشوى اني مسوي كوبي للرد
11/19/2006 في الساعة 9:53 pm
خلك مثلي… ما أدري وش السالفة… أشياء أتذكرها حتى لو هي من زماااااااااااااان وأشياء ما أتذكرها حتى لو كانت من خمس دقايق!! الظاهر كبرنا وبدينا نخرف
خلها على البركة… والنسيان تراه نعمة
وأما الكاميرا فحدث ولا حرج!!… برضه أنا لأول مرة في تاريخي الطويل أشتري جوال بكاميرا مع أني آخر جوال كان معاي هو جوال أبو كشاف :)… وقمت بحركة جنونية مصرقعة أشتريت جوال نوكيا N73 حته وحده :)… والله لا يوريك!! أنواع الصور والفيديو… وجالس أسوي نفسي مخرج على آخر عمري وما سلم من لا هندي ولا سعودي وقمت أصور نفسي بعد :)… وناوي أنزل إنتاجاتي قريباً
تحياتي؛؛؛
11/19/2006 في الساعة 9:56 pm
نسيت أقولك… أنا مثلك في موضوع التدوينات الألف مليار
وجدت لها حل… إني استخدم مسجل الجوال كل مرة ييجي على بالي موضوع كتدوينة… بس وجدت مشكلة إني ما أتذكر أراجع التسجيلات
تحياتي؛؛؛
11/22/2006 في الساعة 12:54 am
ياهلا ياهلا ,,,
12/1/2006 في الساعة 11:31 pm
سولك دفتر خاص يا بعدي للمواعيد والمشاريع الي ناوي تسويها
12/9/2006 في الساعة 1:50 am
سو مثلي وانا اخوك وانا مداوم نزلت الغسلة اخذت ملابسي وبدلت في الدوام المهم قلت بعد الدوام بقش هدومي واوديها المغسلة واخذت اسبوع كل يوم انسى لاني ماني مصدق متى اطلع من الدوام انقز بهالموتر واسحب اخر شي سويت مذكرة في الجوال تقول ( لا تنسى الملابس يالوح ) فأنت أكتب
( لا تنسى الموضوع يالوح )
12/10/2006 في الساعة 1:27 am
برايفت حرباز مدري حيراز>قولي تسذاا من قبل
لي عوووووده بعد المخمخه..
لاني وانا اكتب نايمه..يالاااااااااه صي يااااااااااااااااااااااااااو
12/10/2006 في الساعة 1:30 am
ميررر الله يعينك صدز مشكلتك مشكلتن مالها حل
اقول بس ردد معي
ياليل مااطولك>قولي تسذاا من قبل
لي عووده بعد المخمخه..
لاني وانا اكتب نايمه..يالااه صي ياو
1/7/2007 في الساعة 12:32 pm
عن ماذا تتكلم التدوينة؟
قرأت الموضوع و عندما وصلت لكتابة التعليق نسيت الموضوع!
1/8/2007 في الساعة 4:11 am
اقوووول وشوله تتذكر خلك ناسي ازين لك