HerbaZ

الكثير من الاحاديث المكذوبة او الموضوعه عن الرسول صلى الله عليه وسلم ، يتناقلونها الشباب الله يهديهم ويتراسلونها بالايميل ، وتلقاه يذيل في آخر الموضوع ( جزى الله من نشرها واعان على نشرها ) ولا يكتب لك ، ارسلها لـ 10 تكسب 1000 حسنه !

وان شخصاً ما لم ينشرها فاصابته مصيبة وان شخص ارسلها لـ 10 اشخاص جته 10 الاف ريال !

انا ما اقول لاتفعلون الخير ، بالعكس الا كويس ان الناس تذكر الناس ، وجزى الله من ذكر الناس ، لكن يمكن انت تأثم لقيامك بمثل هذا العمل ونشرها ، لكن لازم ان حنا نتحقق من الاحاديث ولانساعد على نشر الاحاديث والبدع الموضوعه عن الرسول صلى الله عليه وسلم او غيرها من المعجزات او الخرافات او الكرامات الي تصير !

الامثلة كثيرة ولاتحضرني حقيقة ، لكن اقل شي تسويه اول مايوصلك ايميل انك تروح لموقع قووقل او اي محرك بحث تستخدمه ، وتضع فيه بعض من نصوص الحديث وتشوف بتحصل اذا فيه مقالات مكتوبة عن الحديث ومكتوب انه من الاحاديث الموضوعة ترد على صاحب الرسالة وتبلغه ان الحديث موضوع ولايجوز انه ينشر الايميل .

او اذا انت تبغى تتحقق اكثر تقدر تستخدم الكتب والمراجع ، والله يوفق الجميع .

احد اصدقائي المجانين طبعاً سالم او المعروف بـ بلاك هنتر افتتح مدونته الجديدة التابعة لمشروع جديد اسمه Arab Geek سوف يظهر لنا قريباً ان شاء الله ، ولي الشرف لو كنت من المشاركين في المشروع .

طبعاً مايحتاج اقول لكم عن سالم وهو اشهر من علم على نار او نار على جبل ؟ وش المثل ههههه نسيته !! لكن هو شخصية ماشاء الله مناظلة في تاريخ الامن العربي ومن الرجالات الذين عاصروا هبال الـIRC وكل الانترنت القديمة ، ولايهمكم يسوي نفسه شباب تراه شايب

معرفتي بسالم منذ فترة طويلة وتشرفت بالعمل انا وياه على عدة مشاريع سابقة وان شاء الله سوف يكون هناك بوادر مشاريع اخرى ، بس متى مايفضي ويترك عنه التتن ، اللهم إني صائم هههههههههه .

الرجل من المدمنين على نظام Suse ويمكن كانت من محاسن الصدف اني كنت من المحبين لنظام Suse والتقينا بالسواليف عن النظام ، وتطورت السواليف لين اكتشفت ان الرجل مطلعينه من كهف الانترنت ايام نسيج ، وانترنت AOL وانترنت بتلكو البحرين == هاه يكفي فضايح ياسالم ؟:D

مدونة الصياد مدونة تقنية بحته ولاتخلو من السواليف التحشيشيه او الفضفضه للرجل المجهول الشخصية سابقاً ، المعروف حالياً بإسم سالم اخيراً طلعت اسمك انت ووجهك ؟ اتمنى انكم تستمعون فيها . highly recommended

ملاحظة مهمه : انا غير مسؤول عن محتويات موقع الصياد :D <- يسمع بالدعاية

بعد كل هذا وذاك ،، احم خلصنا فضايح لليوم