« آخر أخبار أبل من Macworld 2007
أبل تعلن عن الآي فون ،، وسيسكو تحاكم أبل ;) »

فيلم The Kingdom

The Kingdom فيلم بيعرض في امريكا في 20 ابريل من هالسنه إن شاء الله ، الفيلم يتحدث بشكل اساسي ومباشر عن السعوديه وانه تم ارسال الممثل جيمي فوكس الى السعودية لتشكيل فريق امريكي (النخبه) لإنهاء الارهاب الموجود في السعوديه .

الفيلم بكل تفاصيله انا متأكد انه راح يكون مليء بالأخطاء والاكشن طبعاً ، مخرج الفيلم هو الي اخرج فيلم ميامي فايس وفيلم هيت مع روبيرت دي نييور والباتشينو . الي اركز عليه انه بيكون فيه اخطاء بالجمله متأكد من هالشيء مثله مثل باقي الافلام الي تطرقت للسعوديه على انها دوله ارهابيه او تسمح بالارهابيين وان حنا ماقدرنا نسيطر على الارهاب وطلبنا مساعدات من امريكا .

هذا الموضوع كتب في 1/11/2007 في الساعة 1:59 am ومصنف بهذه التصنيفات: عام. يمكنك متابعة التعليقات على هذا الموضوع عن طريق ملف الخلاصات RSS 2.0. يمكنك أن تكتب تعليقاً, أو تعقب على الموضوع من موقعك.

التعليقات 9 على “فيلم The Kingdom”

  1. رياضاوي:
    1/11/2007 في الساعة 3:54 am

    هلا حرباز

    من الواضح ان الفيلم هذا بيطلع الامريكان كالعادة اقوى ناس و السعوديين ازلب ناس … :)
    بس خل عنك .. الفيلم شكله قوي وبيكسر شباك التذاكر هههههههههه

  2. صالح:
    1/11/2007 في الساعة 9:52 am

    أكييييد بيعطي فكرة غيير عن السعودية
    يوم شفت الترايلر حقه ، تقول مخلين السعودية مثل العراق. و على قولت خويي: ما فيه إلا تمشي و تنفجر :D. و البطل الأمريكي هو أقوى واحد و أشجع واحد و أحدّ من السين و العن من الشدّة (– أبو الحروف على غفلة :D

  3. حرباز:
    1/11/2007 في الساعة 10:26 am

    هههههههههههه
    رياضاوي ،، هلا وغلا
    من جد اقدع ناس في العالم الامريكاننين

    صالح ههههههههههه
    انت ناظر بس القهوجيه شلون اشكالهم :D

  4. W7dany:
    1/11/2007 في الساعة 6:44 pm

    السلام عليكم ..

    سمعت عن الفيلم ،، وبصراحة واضح إن هوليوود تبي تستغل الوضع لـ تحقيق أرباح من وراء هالفيلم ،، خصوصا ً إن الامريكان يبون يعرفون أي شيء يخص السعودية ،، الفيلم من دون ما نقرأ عنه أي شيء نعرف وش راح يكون وكيف بيكون ..

    اللي ممكن يخليني اتفائل شوي إن مخرجه هو مخرج افيلم الرائع (( heat )) ،، يعني ممكن نشوف لمحات إخراجية قوية .. بغض النظر عن قصة الفيلم وتمجيد الامريكان بدون شك الفيلم بيطلعهم على انهم ابطال مثل ما تعودنا من هوليوود ..

    سمعت ان في مشاهد كثيرة من الفيلم [[ اللي المفروض تكون بالسعودية ]] راح تصور في دبي .. :)

    شكرا ً حرباز .

  5. حرباز:
    1/12/2007 في الساعة 3:47 pm

    اهلين وحداني راعي الافلام :D

    والله وانا اخوك صادق المخرج حق هيت وحق ميامي فايس برضه ،، اتوقع بيبدع في الفيلم هذا

    بس انا كل تحفظاتي ان الغرب عموماً كلهم مايعرفون في نقل الصورة العامه للعرب وخصوصاً للسعوديين

  6. مصعب:
    1/14/2007 في الساعة 4:27 pm

    أحد الممثلين (يقوم بدور قائد عصابة) اسمه أحمد الإبراهيم، من صورته يبدو أنه سعودي أو خليجي. هل هو معروف لديكم؟

  7. x.sSs.x@hotmail.com:
    2/12/2007 في الساعة 9:59 pm

    أنا أعارض على بث هذا الفلم>>>>>>>راحو فيها هوليود

    بس أهم شي ما يجيبون الدخل المحدود كمنطقة مليئة بالسياح
    أخاف تزداد الشهرة ثم تزدحم شوارع الدخل

  8. BASSAM:
    2/24/2007 في الساعة 11:29 am

    انا مااقول الا اخ يالقهر وش ظرنا لو ان عندنا سينما ؟؟

  9. سعودي وراسي عالي:
    3/15/2007 في الساعة 10:49 pm

    انا شاهدت الفيلم من موقعه الرئيسي

    http://www.thekingdommovie.com/

    وعرض بعد عنه

    وربي انه دلخ جايبين ناس اجانب ماندري عنهم شي

    والحريم مكشفين و..

    يحسبون السعوديه مثل بلدهم !!

    بس يلاه اهم شي انهم قالوا اننا نحارب الارهابيين ..

أكتب تعليقاً

?