Comments on: قائمة حرباز لأسوأ البنوك السعودية

By: نايف

نايف — Tue, 15 Jul 2008 17:49:39 +0000

افضل بنك البنك السعودي للاستثمار مريح جدا

وقروضهم توسع الصدر حتى اذا جيت تسدد

By: عبدالعزيز العريج

عبدالعزيز العريج — Sat, 31 Mar 2007 05:24:04 +0000

قائمتي الأسوأ:
1- بنكي بنك الهياط — قصدي الرياض. شعار الـ 2005 وخدمات الـ 1967 ولا يهون بنك التقاعد (العربي) والبيروقراط (الاستثوار).
2- ساب - مقرفين أجل جاي أصرف شيك وعقدوني تعقيد، يقولون هذا باسم مؤسسة وانا جايب لهم السجل والختم، قالوا لازم يوقع قلت اقروا أنا المدير، قالوا: لازم توقيع المؤسسة!!! قلت: من تبي يوقع لك؟ الكرسي والا الطاولة؟ ثم كلمت مديرهم وعلعل بي وانطقيت ساعة لين اتصل باللي كتب لي الشيك… وش فايدة التوقيع أجل؟ والشيك؟ والسجل؟ والختم؟ الله يحوم تسبودهم.
3- سامبا: كل شوي موقفين حسابي => ليه؟ والله بريدك تغير!! قلت: ما تغير.. ألغيته.. أنا مقاطع للبريد.. قالوا أجل نجمد حسابك!!!!!!!! والله يا جماعة.. قلت (ببرائة) ليه؟ قالوا: وشلون نرسللك كشفك؟ قلت: والإيميل؟ وش طعنته؟ والمباشر؟ قالوا: والبطايق (جمع بطاقة)؟ قلت أجيكم. أصلاُ أنتم جنبي في الملك عبدالله وبريدي في الشفا!!! قالوا: Don’t Much لا يكثر فقمت عطيتهم بريد واحد من الشباب. ولا جتني بطاقتهم.. فرحت للفرع ودفعت 50 ريال عشان يطلعون لي بطاقة. والحين أبي أحول راتبي من عندهم ويسحبون فيني إلى الحين (مع العلم اني ما قد اقترضت).
4- الراجحي زحمة، والا خدمات أونلاين روعة وسامبا إسلامية صح بس أجراءاتهم معقدة إذا راتبك مهوب عندهم.

فيه بنوك ما جربتها:
الأهلي: يمدحونه وانشالله بروح له.
البلاد، الإمارات، الفرنسي والهولندي (كئيب وحق أسهم بالغالب)

وعلى فكرة.. فيه سالفة صارت لي استغربت منها مرة…
أسولف أنا وصديق لي قطري فقلت له أنا مقاطع البريد، قال وفواتيرك وكشوف حسابك؟
قلت: أونلاين!!! قال: ماشالله أي بنك؟ Oo قلت: نعم؟!!! كل البنوك.. استغرب الرجال مرة (وشكله ما صدقني) قال وفواتير التلفون والكهرب!!!!

فاحمدوا ياشباب ربكم على النعمة.. هذي قطر اللي يقولون أغنى دوله في العالم..

By: أبو جوري

أبو جوري — Tue, 27 Mar 2007 06:22:50 +0000

حرباز،

مصرف الراجحي أو ما أسميه بقالة الراجحي ذبحوني حتى أفتح عندهم حساب و لكن مرغم أخاك لا بطل.

رحت للفرع ثلاث مرات حتى أخيراً فتحت الحساب. حسيت إني قاعد أشحت. إسلوب تعامل موظفي خدمات العملاء معي كان زفت و عطلوني كثير و واحد منهم مره قالي ما نفتح للك حساب إلا تجينا بموعد!!!!!!!!!!!.

للأسف وضح لي إن البنك بخيل في عدد الموظفين في الفروع و الضغط كبير عليهم و بالتالي ما يكون عندهم خلق يتعاملوا كويس مع الناس.

لكن إن شاء الله سنتين و أنتهي من دفع التمويل و أقفل الحساب معهم للأبد.

By: حرباز

حرباز — Mon, 19 Mar 2007 12:45:16 +0000

8
8
انظر اعلاه بتمعن

الإمارات موب بنك سعودي ،، ولا بنك عمان ولا البحرين

By: عبد الله العقلا

عبد الله العقلا — Mon, 19 Mar 2007 05:43:22 +0000

أجل وين بنوك “السعودي للاستثمار، البلاد، الإمارات” يا صديقي يا حربااااااااز

By: nAs

nAs — Sat, 17 Mar 2007 20:20:53 +0000

باااااسم .. معليش استحملني ,..
بس مره انبسطت على الموضوع .. وابي افضفض !!

مافيه احد من ربعي ماهوب مبسوط من الراجحي
>>> أعتقد انك صايغ الجمله غلط .. لا تقول ” ايه ” لوووو سمحت لأني مبسوطه بشكل الجملة كذا .. .. !!

ولن اتحدث ابداً عن عدم وجود تدريب بالشكل المطلوب لقسم خدمة العملاء في البنك الراجحي
>>> يعني اشتغلت في الراجحي ؟؟
سواء اشتغلت أو لا ,, انا الصراحه ما أدري عن قسم الرجال !!
بس انا ” متوظفه قبل سنه وشهر ” أخذت دوره في بداية توظيفي عن خدمة العملاء ,.. وفيها تقييم ونجاح أو رسوب ..
وقاعدين يطلعون حتى الموظفات القدام دورات تدريبيه ( شكله نظام جديد ما كان موجود قبل ) يعني مررره مدّهرين على الدورات وغثونااا بالعميل , واعتقد سبب اهتمامهم ,السمعه السيئة اللي لازقه في الراجحي واللي سببها موظفيه (( الله يسامحهم )) !!

رداءة العملية المصرفيه بالكامل ( من مشاكل في تحويل الحسابات وإيداع المبالغ وتعطل الانظمة )
.. .. .. لكن ينلام على التعليق الي كل يوم او يومين
>>> ما أنكر سوء انظمتهم واللي تفشششششلنا احنا الموظفين قدام العميل .. بس صدقني ما عاد يعلق زي أول (( انا ما صادفت تعليق إلا مرتين في 5 شهور , بس يقولون كان يعلق كثير )) يعني فيه تقدم ..

تراني ما أدافع عنهم !! انا اتمنى أطلع منهم اليوم قبل بكره .. لو بجلس عندهم ما راح أتطور أبداً ولا راح أنتج وأطلع اللي عندي !!
بس اللي يقهرني لما تتعامل وتخدم العميل بكل اخلاص , ويكون راضي ومبسوط طول الوقت وبتقصير بسيط ,, أحياناً مو من الموظف من النظام نفسه .. كشّر العميل عن أنيابه وصرت أنت الموظف السيء و ” هذا انتم يالراجحي ” !!!!

ليش بس حرام والله مو كل الفروع ولا كل الموظفين زي بعض !!

وبالنسبه للربا .. انا قلت لك انه هذا اللي نعرفه وفاهمينه .. اذا فيه شي ما نعرفه .. في ذمتهم مالي شغل !
والبنوك الثانيه فيها معاملات شرعيه ,, بس مو كلها وهذا الفرق ! ويمكن ظهور بنوك اسلامية غير الراجحي هو اللي خلاه يتغير ويطور من نفسه !
يعني من نعم الله علينا ” بنك البلاد و موبايلي ” .. .. .. !

شكراً .. طلعت حرتي في موضوعك ,..

وتراني مانيب صامله على أسماء الفروع ,.. بكيفهم خلهم يسوون اللي يبون
>>> خربتها بالأخير .. .. !!

By: سنفور

سنفور — Sat, 17 Mar 2007 10:41:37 +0000

هيه هيه وقف السبام (
)
(
)
(
)

باخرب باخرب خخخخخخخخخ

تصنيفك تمام بس انت حاط الاهلي بالمركز الثالث والمفروض انه مايتصنف

سلملي على بنك البلاد بس

By: محمد الداود

محمد الداود — Sat, 17 Mar 2007 07:08:00 +0000

الله يهدي مالقيت الا سامبا ( المركز الثاني ) !!
بصراحة أسوأ بنك في التعامل (بالنسبة لي) هو سامبا ..
(تحس فيهم عنجهية وتكبر .. !! على ايش ما أدري (تراك مهما كنت فانت (سامبا) )
والزحمة الي تقول في الراجحي .. روح شف سامبا .. وتعرف الزحمة كيف !!

وبعدين تعال يا أبو الشباب …
من يروح للبنك الحين ؟؟؟
من 70 إلى 80 % من التعاملات إلكترونية ..

أحسن شيء الراجحي (الفرع الي جنب بيتنا ) يوصل لك المعاملة إلى باب بيتكم :p

قال ايش .. قال (سامبا) .. !!
يالله صباح خير بس ..

دمت بخير
محمد

By: حرباز

حرباز — Fri, 16 Mar 2007 22:25:03 +0000

هههههههههه

اشكر للجميع ردودهم ..

بس برد على الاخت nAs

اممم اتوقع اني ذكرت في بداية ونهاية مقالي ان هالترشيح والحكم بناءً على تجربة شخصية وليس من يقولون او من كلام الناس نهائياً ..
بالعكس لو حكمت على كلام الناس مافيه احد من ربعي ماهوب مبسوط من الراجحي ، الي اشوفه انا من أسوأ البنوك حتى بداية عام 2007 ماندري عن نهاية العام وش يصير

وبرضة تظل هذه قائمتي الشخصية مبطن فيها إسم ( قائمة حرباز ) .. ومستندة على رأي (حرباز) وعلى تجربة ( حرباز ) وبرضه حاولت اني ما انحاز لتجربتي الشخصية بل اضيف عليها اشياء تقنية وعيوب فنيه .

اختي الكريمة انا عملت في القطاع المصرفي وفي قسم خدمات العملاء ولي تجارب كبيرة في خدمة العملاء ، ولن اتحدث ابداً عن عدم وجود تدريب بالشكل المطلوب لقسم خدمة العملاء في البنك الراجحي ..

بل كان سبب ترشيحي لهم هو رداءة العملية المصرفيه بالكامل ( من مشاكل في تحويل الحسابات وإيداع المبالغ وتعطل الانظمة ) .

سألتي عن اي الفروع قد تعاملت معها . كنت اريد ان اذكر اسماء الفروع لكن لا اريد ان اظلم المتواجدين في الفروع الآن قد يكونوا تغيروا الموظفين او تغيرت اعمالهم ..
لكن لم اكن اذهب الى فرع واحد فقط ، وان كنتي (صامله) على اسماء الفروع ارسلتها لك على شكل قائمة بالإيميل

اتفق معك ان البنك تغير واتمنى ان يكون تغير للأفضل ،، وكما ذكرت في حديثي عن البنك ان البنك قام بوضع اجهزة جديدة وصرافات جديدة ومكائن جديدة ، ولاننسى انه استحدث خدمات وقام بإضافة العديد من الخدمات والفواتير والرسوم ، وذكرت عن تطبيق الشريعة الإسلامية .

خيتي بالنسبة لإفتخار البنك بانه يقدم قروض مطابقة للشريعة .. هل بإعتقادك ان ماتقوم به باقي البنوك لاتوجد به قروض شرعية ولاتوجد به هيئة شرعية ؟

وفي نفس الوقت لانسطيع ان نقول ان البنك 100% يقوم على سندات واصول وجميع استثماراته قائمة على استثمارات مطابقة للشريعة .. فحسابات الـ مرابي والذي يقرض الناس ويأخذ الربا و الصناديق الموجوده بالخارج تكون مربوطه بحساب هذا البنك ، فهل يعقل ان لاتختلط الأموال بهذه الاموال ؟ ،، نعم انا اقول ان البنك يتعامل بقروض وصناديق وبطاقات ائتمان مطابقة للشريعة الاسلامية وهذا مانعرفه لكن لانعلم بالضبط عن اختلاط المال فأصبح مثله مثل باقي البنوك ،، وهذا في نظري الشخصي وصححوني ان كنت مخطئاً .. وبرضة ما احط بذمتي شي

بالمناسبة ،، بنك الراجحي هو اول بنك قمت بفتح حساب لديهم وكان ذلك عام 1418 اي قبل 10 سنوات ومازال هذا الحساب على قيد الحياة ولله الحمد والمنه ومازال يكافح ويحاول الثبات على الرغم من الصعاب التي يواجهها في البنك ، عفواً المصرف

وتراني ما الوم البنك على ضعفه وتعليقه لأنه توجد بعض الاشياء في البنك نسيت عن ذكرها في نقاط القوة ، وهي انه يعتبر من اكثر البنوك في السعودية فروعاً واجهزة صرافه وكذلك ان اغلبية السعوديين لديهم حساب في الراجحي فماينلام على التعليق الي كم مره في السنه ، لكن ينلام على التعليق الي كل يوم او يومين ونقدنا في النهاية ماهو الا لمصلحة جميع البنوك السعودية وعلى رأسهم مصرف الراجحي وغيره من البنوك .

اتمنى لك التوفيق في العمل في البنك ، وان نصبح من زملاء المهنه بس اهم شي ماتكوني شغاله في الـ PR

لي عودة اخرى بعد غد ان شاء الله ..

باسم

By: nAs

nAs — Fri, 16 Mar 2007 20:59:29 +0000

السلام عليم ورحمة الله ..

مرررره عجبني الموضوع ,, والسبب .. .. .. .. انا موظفة في أسوأ بنك بالنسبة لك !

أخ باسم .. اتمنى أنك تكون من جد تعاملت مع مصرف الراجحي ..
وكلامك هذا ما يكون نقلاً عن فلان وعلان !!

ما راح أدافع عن الراجحي ..
بس حابه أقول أنه رضى الناس غاية لا تدرك !!
أخي الكريم .. انا لا أنكر سوء معاملة الراجحي وخدماته من افتتاحه يمكن لحد قبل 3 سنوات ..
لكن هالصوره لازمت اسم الراجحي لحد اليوم ..
للأسف الشديد مع تقدمه وتطوره في كثير من النواحي .. إلا ان الصوره باقيه ..
يعني أقرب مثال .. تجي العميلة تبي تسحب مبلغ وقدره وهي ما معاها اثباتها ..
نطلب منها تجيبه .. .. .. .. .. أووووه يالرااااجحي ايش هالتعقيد .. أف منكم يالراااااجحي خدمااااتكم زفت !!!! آآآآخ منكم يالراجحي وتقولون ليش نطلع منكم (( مع انها لااازقه عندنا ما راحت لبنك ثاني )) !!
يروح العميل لأحد الفروع ,, يلاقي موظف مطنشه وما أحسن التعامل معاه .. .. .. يا اللـــــه موظفين الراااجحي سيئين … معاملتهم خاااايسه … ما يقدرون العمييييل … تراكم تشتغلون بفلوسناااا !!!!
يعني من موظف واحد .. يحكم على المصرف وموظفيه كلهم بالسؤ !!

طبعاً هذا ما يحصل معانا بس ,, حتى مع غيرنا من البنوك !!

والله عندي الكثير أقوله بخصوص تذمر العملاء الغير مبرر .. .. بس خلها على الله !

وبالنسبه لمنتجاتنا الحمدلله كلها ( القروض , البطاقات الإئتمانيه , صناديق الاستثمار ) مطابقة للشريعه الإسلاميه ما فيها ربا وهذا سبب عملي معهم ..
واذا كان فيه شي احنا ما نعرفه فـ” حسبنا الله ونعم الوكيل ” !!

بس قلي اذا انت تتعامل مع الراجحي .. تروح أي فرع ؟؟