اليوم ارسلت شركة ياهوو إيميل لجميع مستخدمي Yahoo! Photos تخبرهم بأنهم راح يوقفون الخدمة نهائياً ، ويسمحون لك تنقل صورك على مواقع : flickr او Photobucket وغيرها .
المفترض هالخطوة من زمان سوتها ياهوو ، لدمجها مع فلكر ..
عموماً ، الي عنده حساب في ياهوو ، وعنده حساب في فليكر ، ينقل من ياهوو فتوز الى فلكر ، ويعطونه فلكر مجاناً 3 اشهر حساب Pro .
مراحب
تقرر انه يوم الثلاثاء القادم ان شاء الله سوف تكون الديوانية - وعليه نعمم لجميع الاخوة الحضور
والي وده يشترك الله يحييه يدز لي ايميل على
diwania@herbaz.com
والدعوة مفتوحه للمهتمين بتقنية المعلومات
والشروط : ترسل لي 10 اسطر كود سي بلص بلص ، او 300 سطر روبي 
<- يستهبل ههههه
ترى الديوانية هالمره بتكون جلسة بريه يعني مافيه وايرليس ولا انترنت ، بس بيكون فيه كاميرا كالعاده
والمكان قريب مررره بس لان فيه بعض الناس يحبون التسدح والتبطح 
نسخة مع التحية للطخيم الي يحضرون كل مره الله لايحرمنا منهم :$ وهـ بس
إنتقل إلى رحمة الله تعالى اليوم الأحد الموافق 24/ 5 / 1428هـ صاحب المعالي الشيخ / عبدالعزيز بن عبدالمحسن التويجري نائب رئيس الحرس الوطني المساعد عن عمر يناهز خمسة وتسعين عاماً إثر مرض عانى منه ،
والفقيد رحمه الله من رجالات الدولة الأوائل الذين خدموا دولتهم بكل تفان واخلاص قرابة الثمانين عاماً بدأً من خدمته والتحاقه بجلالة الملك عبدالعزيز ـ رحمه الله ـ وحتى عهد خادم الحرمين الشريفين الملك عبدالله بن عبدالعزيز ـ حفظه الله ورعاه ـ وبرحيلة فقدت المملكة أحد رجالها الأوفياء المخلصين ، تغمده الله بواسع رحمته ومغفرته ورضوانه ، واسكنه فسيح جناته ، أنا لله وإنا إليه راجعون
..رحمة الله عليك يابوعبدالمحسن ،، رحمة الله عليك يافقيد الوطن ..
باسم
انا طبعي ما ارد على الواجبات التدوينيه ، موب تغلي ، بس مدري مافيه شي ينقال لكن بما اني فاضي وعندي اختبارات !! الحين الي عنده اختبارات يصير فاضي !! فـ قررت اجاوب وبالله التوفيق ، رداً على واجب صالح الزيد ، و ني آرت
أحب شخص لقلبك في الدنيا؟
اهلي الله يخليهم يارب
انسان مستعد تضحي بحياتك - ركز في كلمة حياتك - عشانه؟
well ،….
انسان كرهته لدرجه الجنون و تتمنى لو تمسك سكين و تغرسها في قلبه؟
الحمدلله طبعي ما اكره احد ، واحاول انسى اي مشكلة تصير فـ ما فيه احد كرهته ، غير شخص ، يكرم موقعي عن ذكر اسمه
اسم كتاب كتبه برضو بشري انت متعلق فيه و بتقرأه كل فترة؟
والله الكتب كثيرة وان اقرأ بطبعي كثير ، بس فيه رواية قد قريتها تحمست فيها لدرجة اني بغيت اصيح ! ياستاار ! اسمها “مجدولين - تحت ظلال الزيزفون ” ترجمها المنفلوطي وهـ ياحبي له بس وكل كتبه النظرات والعبرات بأجزائهم الثلاث . وفيه كتب ثانية مثل كتاب التنمية لغازي القصيبي ورؤيتي لمحمد بن راشد بن مكتوم ، والله يحييكم في مكتبتي وخذو الكتاب الي عاقبكم .. الله لايعاقبكم
اهم جهاز منزلي انت متعلق فيه و تستخدمه كثير؟
اعتقد الجوال والاب توب فيه غيرهم!
مكان تحس بالراحه عندما تدخله؟
هههههههههه انا وخلي كل دار وطنا ، عيني وقلبي كلها له هديه <- ياعيني على الاجابة الدبلوماسية
والله انا الحمدلله من النوع الي اتكيف مع الوضع ، فـ المفروض السؤال يكون وش المكان الي ماتحس بالراحة اذا دخلته ، قلت الاماكن الي فيها صجه ولا فيها سيارات وتفحيط ، ولا مرتفع !
شيء تحس بالراحه النفسية عندما تنظر اليه؟
موقعي ،:D وهـ ياحبي لي بس
الله يخليهم لي يارب ويقر عيني فيهم اهلي
مكان تحس فيه بالحنين الى شيئ لا تدري ماهو و ذكريات جارفه الى لا شيئ؟
لا اعلم بما اني ما ادري ماهو شلون اعرفه
اجمل مدينة زرتها داخل السعودية ؟
الخبر
شخصية كرتوينة تحبها؟
دوق فليد من قرانديزر - ستوي قريفن من مسلسل فاملي قاي خصوصاً اذا تنح ههههههههههههههههه يلعنه
واجد الشخصيات على حسب المسلسل
نوع هاتفك المحمول؟
i-mate jam الزفت
اهم هدف و اضعه لحياتك الآن؟
اني اصير حرباز
مواصفات فتاة الاحلام بالنسبة إليك؟
الرام 2 قيقا
الهارديسك 1 ميقا عشان ماتتذكر كل شي
البروسيسر 2
بدون بلوتوث عشان البطاريه
ما ادري عن الي حاط هالسؤال !! ههههههههههههههههههههه وش دخلكم
صف ما يأتي:
شعورك لما تشوف ضابط شرطه؟
الله يحييه ، ويعطيه الف عافيه لولا الله ثم هم ماحسنا بالأمان
افكارك تجاه شاب ماشي يلبس ثوب ابيض قصير و بجيبه السواك وبيده المصحف؟
الله يثبته على الإيمان ويجمعنا معهم في الجنان
تمرر الواجب لمين؟
موب لأحد عشان خاطر ما اوهق أحد ، بس الي يقراه وفي باله يرد ، يعتبر نفسه ممر له الواجب
ما هو مشروبك المفضل؟
عصير سان فرانسيسكو ( وينك يا باز ) لا عصير خوخ
برنامجك المفضل على شاشة التلفاز؟
برامجي واجد ، بس اغلبها كوميديه لاني ما اناظر التلفزيون الا عشان اوسع صدري وقليل اناظره
حيوانك المفضل؟
النمر <- اخس ياقوي
ما هي أجمل هدية حصلت عليها في حياتك؟
صراحه ،،
كثيره الهدايا ومن ناس كلهم غالين على قلبي ، لكن الهديه دائماً موب على غلاها وسعرها وانما على وشهي الهديه ووقتها
ممن كانت هذه الهدية؟
من الي يحبوني واحبهم الله لايخليني منهم اهلي وربعي
ما هي أول مدونة تزورها غير مدونتك؟
ما اتذكر صراحه لكن كانت اجنبيه لاني بديت مدونتي بالانقليزي على بالي اني ما اقدر اكتب عربي <- ياخي ياشين القراوا
بس الآن المدونات الي ازورها بشكل يومي هي الموجوده للطخيم الي على اليسار وربعي الي اعرفهم اتطمن عليهم
أتفتح بريدك الإلكتروني أولاً أم تزور مواقعك المفضلة أول؟
بريدي الالكتروني كل : 30 دقيقة ، لانه مربوط على جوالي
أتعمل؟
نعم ، Free Lancer واذا عندك وظيفة لاتخلينا
هل أنت أو كنت من الطلاب المزعجين أم الهادئين في الفصل أو القاعة؟
مزعج ، وصراخي يوصل آخر السيب وحركه الله يصلحني بس ويستر عليّ ، على غير سنع ودايم اقول كلمات تخلي العالم تتلفت علينا وش يبي ذا !
أأحبك المدرسين؟
حب زواج ؟ ولا حب يعني ايه رهيب ذا الولد ؟ معليش ياخي حدد
الحمدلله علاقتي مع المدرسين سواء ًالثانويه والمتوسط او الجامعه كانت رائعه ، وكنت ومازلت معهم صديق حتى الآن ، لاني ماخذ الدعوه فله الدراسه موب علاقه بين مدرس وطالب وانما صديق ورفيجه ياخي شحقه
تعتبر من الطلاب المتفوقين؟
ايه ، بس ما اهتويت
أحصل و أن أعدت سنة دراسية في حياتك؟
في حياتي ماقد رسبت في الدراسه ، وكان ترتيبي لايقل عن الثالث ، لكن دخلت الثانوي وبديت الانترنت بديت اضعف دراسياً ، لكن لم يحصل ان رسبت دراسياً او عدت السنه الدراسيه
لكن في الجامعه ايه ، لي 6 سنين ماتخرجت هع هع
أتربي حيوانًا في بيتك؟
ايه ، حيوان خطير ما اقدر اقولكم عليه
أتزرع أي نوع من أنواع النباتات في البيت, ما هو؟
ايه ازرع ، موب زراعه بس حاطها في وسط فازه
نبته اسمها داركينا سانتريانا ( يسمونها في السوق بامبو وهو موب اسمها ) بامبو ،، بمبو سوداني بمبو ،، او يسمونها Lucky bamboo وهو ميب هي اسمها الصدزي Dracaena sanderiana <- ياحبه ذا الادمي للفلسفه ، المهم النبته اسمها بامبو وبس وفي كل حته في البيت حاطها بما انها ماتصرف مويه ولاتحتاج كهرب ولا تبي شمس ههههههههه
أتخاف من المرتفعات؟
شوي
أتخاف من الحشرات؟
لاااع ، وآكل لو تبي
أتخاف من الظلمة؟
شوي
ما هي هوايتك؟
كلش الا الكوره ، والتفحيط
الله يحفظكم ..
* برايفت للي في كولورادو ، ورا ماتجيب لابتوبي الحين !! :@