HerbaZ

اذا وجدت اي كتاب او جهاز اعجبني اول ما ابدأ في البحث عنه في الانترنت ثم قراءة مواصفاته واقارن مدة التوصيل الى السعودية مع لو اشتريته من هنا اضف الى ذلك رسوم الشحن وغيرها فإذا وجدت ان الفارق بسيط ذهبت الى المحل المجاور لبيتي واشتريت منه بضاعتي ولم اضع وقتي في انتظار شحنة Amazon او ebay وغيرها من الشركات اللتي تبيع المنتجات على الانترنت .
لكن استغرب من تخوف البعض للشراء عن طريق الانترنت وخوفهم من السرقة وقلة ثقتهم بها بالعكس انا في بعض المرات اشتري اشيائي وانا في مقهى انترنت او على جهاز شخص لم اعرفه الا من قريب ولكن دعني اعطيك مايضمن لي عملي كله (بإذن الله ) .
نصائح لمن يريد ان يتسوق الكترونيا :-

• بطاقة ذات حد : حاول دائماً ان يكون شرائك بإستخدام بطاقة ذات حد ائتماني يقل عن 250 دولار (بمعدل 1000 ريال سعودي ) او استخدم البطاقات التي تطرح حالياً في اغلب البنوك تحت اسم بطاقة الانترنت او البطاقه المدفوعه مسبقاً ولاتودع فيها اكثر من 250 دولار
• لاتشتري من اي موقع : اذا وجدت قطعة تباع في اكثر من موقع فلنفرض انها تباع في موقع amazon وebay وموقع اخر ووجدت ان الاخير يبيعها لك بسعر اقل من الاثنين معاً فانظر اذا كان الموقع من المواقع المشهورة او كنت قد سمعت وجربت هذا الموقع فاشتر من ام غيرها فلاتشتري .
• قفل الامان : في حالة قيامك بالدخول الى الموقع واثناء تجوالك وتعبئتك لعربة التسوق اذا اردت ان تنهي تسوقك بالشراء تجد في المتصفح (انترنت اكسبلورر ونتسكيب وايضاً موزيلا صورة قفل صغيره على اليمين او اليسار وهي تعني ان هذا الموقع محمي وان جميع العمليات الآن تتم بينك وبين الموقع مباشرة بدون وسيط اخر ( مع اني اشك في هذه الكلمة ) يمكنك زيادة الامان في متصفح انترنت اكسبلورر بترقيته الى 128 بت وذلك بالذهاب الى موقع التحديث لمايكروسوفت والبحث عن اخر الترقيات للمتصفح
• راع الفروقات : فلنفرض انك كنت ستشتري كاميرا رقمية ووجدتها في المحل الذي بجوارك بسعر 1000 ريال فرضاً ومعها ضمان لمدة سنة ووجدت انها في الانترنت بسعر 950 او لنقل 850 ولكن بدون ضمان ؟ او سوف يزاد عليك مبلغ 100 ريال جمركة ورسوم شحن ؟ فاسمح لي بان اقول لك انها صفقة غير رابحه ابداً . بزيادة 100 او 200 وتفرق لك بالضمان هذا اذا لم تصلك البضاعه الى بيتك وقد تكسرت مع الشحن ثم اعدها للشركة والشركة تعيد اليك مرة اخرى وهكذا .
• لاتنشر معلوماتك : في اكثر المواقع حينما تريد الشراء تجد انه يسألك اذا ماكنت تريد الاشتراك في قوائم بريد او ان تريد ان تخفي معلوماتك مثل ( المدينة والبلد والبريد الالكتروني والمواد التي اشتريتها واسمك الحقيقي ورقم الهاتف وغيرها ) فحاول ان لاتضهرها لكي لاتستغل بطريقة خاطئه فقد يراقبك احدهم ومن خلال معلوماتك يستطيع ان يفعل اشياء كثيره

هذه بعض النصائح لكي تتسوق بشكل آمن وسوف اعطيك بعض المواقع التي اشتري منها دائماً ففي العتاد والكتب والافلام اشتري من موقع امازون وفي برامج الكمبيوتر الكفي اشتري من موقع pocketgear وايضاً اشتري بعض البرامج من مواقع اصحابها اذا كانت برامجهم رخيصة

كتب احدهم مقارنة بين الblog والكتابة في زاوية لك في الصحيفة وهذه النقاط
1) تستطيع ان تختار عنوان موضوعك بنفسك ، بينما في الصحيفة هم يختارون لك .
2) تستطيع ان تختار الصور التي تريدها والرسومات بينما في الصحيفة هم يختارون لك .
3) تستطيع ان تحدد حجم وطول مقالاتك بينما الصحيفة هم يحددون لك ذلك .
4) تستطيع ان تفعل ماتشاء بمقالاتك بينما الصحيفة يمتلكون مقالك .
5) تستطيع ان تربط مقالك باي مكان وموقع بينما الصحيفة لاتسطيع ذلك .
هذه نصيحة مكتوبة بالانقليزيه ترجمتها بالعربي .. لا اريد ذكر المصدر لأن موقع الكاتب يحتوي على بعض الصور الغير لائقه ..

بما اني من زماااااان عن الانترنت جمعت لكم كم خبريه من كم موقع وخل نبدأ بالمواقع الصقيقه :~) منها موقع المحارب اللي بعد مااشترى الجهاز الجديد قرر انه يتوقف عن الكتابة قليلاً ، شكله ناوي يلعب في الجهاز الله يستر لكن فهد واعدنا بتصميم جديد وبشكل جديد عسى ربي يعينه ويوفقه ويعجبنا .
الخبريه الثانيه من موقع ابوريما ( اوديو ماستر ) موقف موقعه يقول بيغير التصميم لكن له فترة ماشفنا هالتصميم اللي وعدنا به نسمع بالـ V.2 ولاشفنا شي يابوريما الخبريه الثالثه وهي احلى خبريه هي رجوع ابو احمد للكتابة وانتهى قريباً من تصميم موقعه الجديد والرائع جداً ماشاء الله تبارك الله اختيار الوان رائع وهذا يدل على ذوقه الفتان الله يحفظه .. واكتشفت ايضاً انه طير بر ماشاء الله تبارك الله موضوعه الاخير عن الرحله البريه الممتعه التي قضوها في “دبا الحصن ” ان شاء الله اذا رحت لإمارات الاجازه باروح لها وانصب خيمه مثلي مثله :p .

الخبريه الاخيره عن موقع قووقل اللي وعدونا بتصميم جديد للموقع واقسامه بس حتى الان لم ير النور هذا التصميم لكن نزل بعض الصور والمشاهد للتصميم الجديد وهذي بعض الصور ( الموقع الاول - الموقع الثاني - الموقع الثالث )

كثيرة هي الدعايات التي ترسخ في عقولنا .. لما تفك ماحتسك … يالزيز يارايق .. ممز ميرندا .. قوي قلبك ماونتن ديو و صَح صِح دعاية نسكافيه . صراحة انا احيي الشركات اللي عندهم مسؤولين دعايه زي هالشركات .. وانا من المدمنين على دعايات بيبسي لأنها شركة تدفع صح على دعايات اصح واصح . وايضاً شركة Nike للاحذيه والالبسة الرياضه وفيه شركة ايديداس .

هذه الحروف كنت مخطط اني اكتبها من اكثر من شهرين في الاقلاع ولكن شاء الله ان ترى النور هنا .. تلاحظون ان اغلب المطاعم سواءً في شقراء او في الرياض لما يطلب الزبون الوجبه يسأله العامل بارد ؟؟ بيبسي !! . انا طبعاً من المعارضين للمشروبات الغازيه بعمومها ماعدى البيره اما غيرها سواءً كوكاكولا او بيبسي او حتى منتجات محلية للأسف ما اشرب .. ماهو مقاطعه او لأن هذا يدعم اسرائيل وذاك لايدعم .. ولكن ماشفت فيه شي غريب لما اكل وجبتي واشرب مويه او عصير !!
ملاحظة من جد استغربت منها اني كنت في مطعم اسمه / طريب وهذا المطعم معروف انه يقدم اكل شعبي ( رز - قرصان .. الخ ) طبعاً المطعم حلو ولا فيه اي عيوب ماشاء الله سوى ان عماله هنود لابسين شمغ وثياب لكن مهوب هذا مربط الفرس .. القضية ان وجبة رسميه زي الكبسة على سبيل المثال .. اغلب الناس تشرب معاها لبن !! موووويه اذا غلبت الروم .. يعني ممكن بعضنا يشرب بيبسي معاها .. ( طبعاً انا ماني اعبر عن وجهة نظر كل الناس … لكن اللي اعرفه انا ويعرفه اكثرنا هو هالشيء ) .. المشكلة انه ثلاث مرات او اربع مرات كنت اروح لهذا المطعم مع شباب الجامعه وعلى رأس المجموعة السيد ،، احمد ولاحظت في هذا المطعم انهم مايقدمون لك الا بيبسي او سيفن اب !! طيب نبي لبن يالشيخ يقول ماعندنا ههههههههههههه هذي صراحة نكتة .. كم مره يقولون لي الشباب يارجال خذ لك بيبسي .. اقول له لا جيب لي مويه واشوا بعد اخاف ما القى عندكم .
على النقيض تماماً .. مطاعم ماما نوره اللي جنب هذا المطعم بمسافة بسيطة .. مايقدم في وجباته الا العصير .. مايبيعون البيبسي نهائياً .. اذا بغيت بيبسي لازم تروح للمحل اللي جنبه .. بينقز لي واحد هالحين ويقول لي هذولي همهم تجاري اقول لك طيب خل هذاك بعد همه تجاري بدال ماندفع على البيبسي ريال واحد راح يجيه 3 ريال او 2 على اللبن على الاقل ماطلبنا عصير اشكر صراحة مطعم ماما نوره والمطاعم اللي تسلك هذا النهج . اولاً لصحتنا وهم الله يرزقهم ان شاء الله مدامه حلال ماقلنا شي .

بعض الاحيان تتصفح مواقع صغيره او مواقع اجنبيه سواءً مواقع Blog او مواقع مبرمجين .. تجد رابط اسمه Donate me غالباً يكون هذا الاسم بمعنى تبرع لي او للموقع . وفي نظري اسميها شحاذه الكترونيه بطريقة لبقه جداً جداً . لكن الشحاذه الحلوه اللي اعجبتني اللي تجدها الان في بعض المواقع وهي الـwish list خدمة مجانيه يقدمها موقع Amazon وتعتمد على انك تختار المادة التي تريد شرائها ثم وضعها في قائمة الامنيات .. واذا جا احد من موقعك يتبرع لك بالقيمة اللي يريدها ليشتري لك هذه المادة المعينة .
من وجهة نظري لو اجد موقع عربي حاط هالنك سواءً donate او wish list ان شاء الله باتبرع له بمبلغ 1 دولار .

تخمني بعض
الايام واجمع كم لنك وكم موقع غريب واتصفحهن اليوم شفت لكم
المازدا الرهيبه ( سيارتي المستقبيلية )

دعاية الهوندا
الصخانه العجيبه !!!
تقدر تاخذها معك وين ماتروح وتتشروش على كيف كيفك !! الوجه اللي في المريخ !! ( اعتقاد ان هناك فضائيين ان صح التعبير )
تأكد من صحة الكتابة اذا كان عندك كلمه وشاك في كتابتها الصحيحه انا عن نفسي استخدم قووقل لتصحييح الكتابة او باستخدام احد برامج الـOffice 2003 من مايكروسوف ت بس هذا الموقع تحط فيه الكلمة اللي انت شاك فيها او اذا كانت كلمتين ويعطيك اكثر صوت للكلمة الصحيحه . ( احدى تطبيقات قووقل API مثل موقع Googlism ) .
تاريخ كلمة *F مع احترامي للجميع القراء  شكراً احمد .

برنامج zoonAlarm الآن لليهود . الخبر قديم صح بس للتجديد مع اني ما احب اسميهم اسرائيل من المعروف ان شركة Check
point شركة يهوديه ميه الميه ومقرها اسرائيل هالبرنامج كنت احب استخدمه على اجهزة اخواني وكل واحد انصحه انه يستخدمه الان لاتستخدمه ودور لك فايروول احسن .. جرب الـTinyاو الـnorton internet secureityاو الـKiro وايضاً Consile اضاهر اسمه كذا من زمان عنه :)وفيه Sygateحلو .
يكفي هذا اليوم وان شاء الله المره القادمه راح تكون اكثر توسع <- اصلاً ماكتبت شي عشان تقول يكفي ايه ما قبل لا انسى ترى فيه على اليسار لنكات اكتب فيها تقريباً يومياً اضيف لنك يمكن محد يركز بس انا مخلي ترتيبها الاجدد يكون فوق والاقدم تحت شوفوها على اليسار تحت مقتطفات على السريع